Идниот противник на Канело и еден од најголемите „паунд фор паунд“ боксери, Теренс Крафорд, ги потврди своите намери за мега пресметка во септември.
„Со години сум фан на Канело“, изјави Крафорд за „Ринг“. „Секоја борба што ја имал е дел од неговиот пат кон величината. Нема да отфрлам ниту еден од неговите противници бидејќи тие го направија тоа што е денес – личноста на боксот”.
Со сите знаци кои укажуваат на борба за неприкосновената титула во супер средна категорија (168 фунти), Крафорд (41-0, 31 КО) е целосно фокусиран на претстојниот судир. Сепак, тоа ќе стане реалност доколку Сол Алварез-Канело (62-2-2, 39 КО) прво на 3 мај го победи Вилијам Скул.
Во последниве години, Крафорд успеа да ја подреди својата кариера на начин што го зацементира неговото наследство. Го уништи Ерол Спенс Јуниор во една од најдоминантните борби во 2023 година, а потоа го победи Израел Мадримов и ја освои првата титула во средна категорија на ВБА (154 фунти).
„Како луѓе, ние секогаш ги сакаме работите веднаш“, изјави Крафорд. „Но, кога ќе дојде време, Бог ќе дозволи светлината да ве осветли“.
