Поранешниот двократен шампион на УФЦ, Конор Мек Грегор, со ентузијазам ја поздрави веста за врачање дека еден од неговите главни ривали во лесна категорија, Нејт Дијаз.
„Слушнав дека Дана објави оти Нејт Дијаз се враќа во лесна категорија и ми се допаѓа тоа – би сакал да се борам против него. Како и да е ќе се бориме. Доколку оваа борба се одржи во лесна категорија, а титулата е во прашање, тоа ќе биде нешто посебно“, рече Конор.
Според претседателот на УФЦ, следната борба на Дијаз е веќе во фаза на развој, но Мек Грегор смета дека на Американецот не му требаат средни борби и може веднаш да ја освои титулата во лесна категорија.
„Да бидам искрен, мислам дека ако се врати во лесна категорија, треба веднаш да се бори со мене. Нејт е воин – подготвен да се бори во секој момент. И јас не мислам дека треба да се бори со некој друг. Јас против Нејт – така треба да биде. Ако тие не сакаат да организираат борба за титула за нас, јас само ќе се борам против него во полусредна категорија. Имавме две борби во полусредна категорија, така што нема смисла да се стави крај на трилогијата во лесна категорија. Но, ако титулата е на линија, битката со Нејт ќе биде посебна“, додаде Ирецот.
Потсетуваме, Конор Мек Грегор се враќа во октагонот на 23 јануари на УФЦ 257 во Абу Даби и доколку го победи Дастин Пориер, ќе стане следниот кандидат за титулата во лесна категорија на УФЦ, кој во моментов му припаѓа на Хабиб Нурмагомедов.
