Конор Мек Грегор неодамна стана косопственик на еден од најголемите синџири за боречки спортови во светот – БКФЦ, но се чини дека неговата амбиција не е само да врти пари, туку и да се натпреварува во бокс со голи раце. Ова денеска го призна и самиот тој на неговата официјална прес-конференција пред претстојната гала на организацијата во Шпанија.
„Имам уште малку работа со УФЦ, каде што сум под договор за уште две борби. Но, тука со сигурност имаме тројца во лесна категорија кои ги меркам. Не сум тука само како сопственик. Јас сум боречки менаџер. Наскоро ќе си предадам титула“, изјави во типичен стил „Озлогласениот“ од Марбела.
Заедно со Дејвид Фелдман, двајцата потврдија дека ќе ја продолжат политиката на привлекување слободни агенти од големите синџири на ММА, како што наскоро може да биде случајот со Ирецот. Повторно се споменуваше името на Јоел Ромеро, кој потпиша со БКФЦ пред неколку недели.
Боксот со голи раце несомнено има потенцијал да стане една од најголемите спортски организации во светот доколку продолжи да расте со ова темпо.
