Конор Мек Грегор е подготвен да блесне овој викенд. Поранешниот двоен шампион на УФЦ по трет пат ќе го сподели кафезот со Дастин Пориер. Тие ја предводат главната борба на УФЦ 264, што ќе се одржи пред полни трибини во Лас Вегас.
Билетите за големиот настан се распродадоа за само неколку минути. На почетокот на оваа година Конор загуби со нокаут од Пориер во втората рунда. Овој пораз ги натера букмејкерите да го прогласат за аутсајдер во трилогијата.
Повеќето ММА борци се обложуваат на Пориер во оваа трета борба, која ќе номинира кандидат за титулата во лесна категорија. На социјалните мрежи Мек Грегор покажа фотографии од неговиот тренинг. Тој рече дека сè се одвива според планот и викендов ќе блесне:
„Денес завршивме одлична работа. Благодарност до луѓето од мојот тим за посветената работа. Овој викенд ќе блеснам“.
