Конор Мек Грегор повторно зборува за потенцијално враќање во октагонот на УФЦ.
Поранешниот двократен шампион на организацијата призна дека изгубил интерес за тренинзи бидејќи неговиот датум за борба постојано се одложува. Мек Грегор и понатаму е најпопуларниот ММА борец во светот. Поранешниот двократен шампион на УФЦ веќе неколку години не се борел во октагонот, но постојано ги информира фановите за неговата желба повторно да се бори во ММА кафезот.
Неодамна беше кажано дека повторно ќе се бори во јуни годинава, но претседателот на организацијата не ја потврдува оваа информација. Дана Вајт се сомнева во враќањето на Ирецот оваа година. Конор постојано вели дека е подготвен, но сè уште нема официјална информација за тоа, што го тера да изгуби интерес.
„Ќе ја завршам промоцијата на овој филм, се ближи денот на Свети Патрик, потоа ќе се вратам на тренинзите и ќе го сфатиме сето тоа. Ќе се тестирам физички на патеката. Ќе ја направам програмата Мек Грегор брзо, ќе се вратам на активноста.
Имав тренинг камп во Кан, како и во Дубаи. Тренирав со шампионите кога сакав да се вратам во декември и јануари. Враќањето постојано се одложува и потоа губам интерес и престанувам да тренирам. Се разбира, не целосно.
Секогаш тренирам, но тоа не е целосен тренинг камп, потоа почнувам да се забавувам малку. Ќе се вратам и ќе поправам се“, изјави Мек Грегор.
View this post on Instagram
