Видлив беше падот кој моментално го доживува Конор Мек Грегор, а со оглед на неговиот имиџ во јавноста, кој е последица на неговиот животен стил, многумина очекуваа дека целата приказна ќе започне уште порано. Неодамна беше прогласен за виновен за силување што го извршил во 2018 година, иако тврди дека немало силување.
Веднаш потоа многу брендови почнаа да ја откажуваат соработката со ирската ѕвезда, па тој моментално бележи пад на популарноста кај јавноста. Ветеранот на УФЦ, Мет Браун, верува дека Конор паднал толку ниско што ни УФЦ повеќе не може да го спаси:
„Конор овде ќе биде во огромен хаос. Очигледно ќе биде казнет финансиски, што не му претставува проблем, но што се однесува до неговиот јавен имиџ, дефинитивно ќе му направи проблеми. И така треба да биде“, рече Браун во „Фајтер – поткаст на Врајтер”.
„Мислењето на јавноста за него се промени. Тој никогаш не бил „чист“ во јавноста како, на пример, Тајгер Вудс, но бил почитуван борец за кој се мислело дека никогаш нема да направи такво нешто. Сега ја помина таа граница, барем според судот, но ја помина. Луѓето после ова помалку ќе го почитуваат, дефинитивно ќе има долготрајни ефекти. Ниту УФЦ не може да го спаси“, објасни тој.
Минатата недела Конор напиша дека не се работи за силување, туку за чиста измама од неговата долгогодишна партнерка, за која вели дека жали. Ако некој треба да се брани со оваа реченица, јасно е каков човек е, па ќе видиме како ќе се изрази УФЦ во врска со целата оваа ситуација. Засега само молчат.
