По долги преговори и различни шпекулации за тоа каде ќе се одржи новиот боксерски спектакл меѓу Тајсон Фјури и Владимир Кличко, конечниот избор е Манчестер, град кој ќе има можност да ги пречека големите фанови на боксот од различни страни на светот на 9 јули.
Иако официјалната потврда треба да пристигне подоцна во текот на денешниот ден, тренерот и чичко на Тајсон Фјури се погрижи јавноста многу порано да ја пренесе ексклузивната информација.
„9 јули, Тајсон Фјури и Кличко пристигнуваат во Манчестер. Официјалната потврда ова попладне“, напиша Питер Фјури на својот официјален Твитер профил.
9th July @Tyson_Fury vs Klitschko” is coming to Manchester uk. Official announcement coming 12 noon.
— peter fury. (@peterfury) April 8, 2016
