Чарлс Оливеира ден претходно остана без шампионскиот појас во лесна категорија на УФЦ, откако не успеа да го помине официјалното мерење.
Имено, бразилскиот борец беше околу двесте грама потежок од дозволената граница, а најголемата светска ММА организација му ја одзеде титулата.
Знаејќи дека во главната борба УФЦ 274 нема да ја бранат титулата, До Бронкс се појави во октагонот на Стејпл центарот во Феникс решен уште еднаш да докаже дека е најдобриот борец во дивизијата.
И тоа го направи на фантастичен начин. Оливеира во првата рунда го победи Џастин Гејџи со задушување од позади и така стигна до 11-ти триумф во низа.
Со победата го зацврсти своето место на врвот на категоријата.
„Еј, имам порака за целата дивизија“, рече Чарлс Оливеира, додавајќи:
„Јас сум проблем за сите вас. Погледнете го тој тим и погледнете ме мене. јас сум просветлен. И тоа е мојот наслов. Тој треба да биде тука“.
Претседателот на УФЦ, Дана Вајт, изјави дека Оливеира сигурно ќе добие шанса да го врати шампионскиот појас, но не знае кој би можел да биде неговиот противник.
Има неколку кандидати, а Бразилецот го именуваше славниот Ирец.
„Еј, Конор Мек Грегор, доаѓаш или пак трчаш?“, изјави Чарлс Оливеира.
Има неколку потенцијални кандидати, а покрај Конор тука се и Мајкл Чендлер, Дастин Пориер, Бенеил Дариуш.
Поранешниот шампион Хабиб Нурмагомедов на шефот на УФЦ му го предложи Ислам Махачев (22-1).
Дагестанецот има десет победи во низа, а во последниот меч во февруари со прекин во првата рунда го совлада Боби Грин.
Хабиб веќе најде идеален датум за нивната можна борба. Тоа би било на 22 октомври на настанот УФЦ 281 во Абу Даби.
@danawhite you have no other choice but make Oliveira vs Islam fight in AbuDhabi 22 October.
Perfect date, Perfect location,Perfect opponents with perfect winning streaks 10 vs 11.@MAKHACHEVMMA @ufc— khabib nurmagomedov (@TeamKhabib) May 8, 2022
