Најдобриот американски УФЦ борец Картис Блејдс верува дека може да го победи шампионот на УФЦ Алекс Переира.
Овој викенд Блејдс се враќа во битка за привремената титула во тешка категорија. „Разор“ се соочува со Том Аспинал на главниот настан на УФЦ 304 во Манчестер, Англија. Блејдс е меѓу најдобрите во тешка категорија и не е импресиониран од Переира.
Картис смета дека Алекс има шанса да ги победи само послабите борци во тешка категорија. Американскиот ветеран не гледа како „Поатан“ ќе се носи со врвните борци во својата дивизија. Блејдс мисли дека Алекс е лесен залак за него и дека би го победил во кафезот.
„Алекс да се бори со мене е лоша идеја за него. Само треба да го искористам моето борење и веднаш да го однесам на партер. Зошто да му давам шанса да ме нокаутира кога имам можност да го соборам? Сигурен сум дека е свесен за тоа. Нему му треба специфичен противник во тешка категорија, а не кој било.
Переира може да го победи Таи Туиваса. Тоа е она што можам да го замислам, а можеби и некој на дното на топ 15. Ако му дадете на Алекс топ 5 тип со навистина одлични вештини, тој ќе изгуби. Ќе му го изедам тоа колено. Види, го преживеав коленото на Алистер Оверем.
Дали мислите дека Переира удира посилно од Алистер? Знам дека Алекс има аура на непобедливост, но коленото од 120 килограми на Оверем не ме нокаутира. Сакам да јадам колена. Би го скршил Переира“, рече Блејдс.
