Поранешниот борец во лесна категорија на УФЦ, Кени Флоријан, тврди дека организацијата води голема битка. Флоријан рече дека неговиот извор открил оти УФЦ планира да ги спротивстави Хабиб Нурмагомедов и Жорж Сент Пјер. Ова е единствената борба што може да го натера Хабиб да се врати во ММА.
Неодамна и Сент Пјер изрази желба да се врати во октагонот за ваква средба, но сака сериозен хонорар. Пред неколку години, Нурмагомедов го предизвика Сент Пјер. Тогаш таткото на Хабиб, Абдулманап, откри дека ова е битката за која најмногу сонувал.
За жал, таткото на Хабиб почина пред една година, а непоразениот шампион објави дека се повлекува од ММА откако го победи Џастин Гејџи. Дана Вајт постојано го туркаше Хабиб да се врати и да се бори со Конор Мек Грегор. За жал на Вајт, Мек Грегор загуби и сега единствениот значаен противник кој може да го врати Нурмагомедов е Жорж Сент Пјер.
Во моментов нема ништо официјално, но гласините не запираат, а фактот дека е можно враќање е и тпоа што Хабиб сè уште е на ранг-листата на УФЦ и дава примероци на УСАДА. Во ММА, честопати гледаме како се игнорира и негира борба, но во последен момент Вајт експлодира дека ова е токму мечот што е договорен.
Ако им веруваме на изворите на Кени Флоријан, оваа година ќе го гледаме Хабиб против Сент Пјер.
