Македонската кендо репрезентација од 14 до 16 септември ќе учествува на Светското првенство во Инчеон, Јужна Кореа.
Селекторот Златко Кескоски, воедно и претседател на Федерацијата, се одлучи речиси за истиот состав кој во Истанбул, Турција го освои бронзениот медал.
Во составот на репрезентацијата се Андреј Атанасовски, Матеј Ивановски, Владимир Кесковски, Владимир Пешков и Менсур Бојда кои во групата со Аргентина и Кина ќе треба да остварат две победи и да продолажт во елиминацискиот дел. Ако го поминат првиот круг во осминафиналето вкрстуваат со најдобриот од првата група во која се Јапонија, Латвија и Нов Зеланд. Јапонија е еден од фаворитите за златниот медал.
Во поединечна конкуренција Ивановски ќе се бори со А.Сегафи од Унгарија и А.Виквист од Финска, а Кесковски против С.Апеланиз (Шпанија), додека Пешков ќе му се спротивстави на шампионот на Јапонија Ј. Кацуми и на Д. Гаслариќ (Хрватска), Атанасовски се среќава со К. Јервуд (Полска) и Б. Вонг (САД).
На СП ќе настапат над 500 натпреварувачи од 43 држави.
Ipon.mk
