Македонските карате тимови во борби и кати освоија три борнзи на последниот ден на Блаканското првенство за кадети, јуниори и У-21 во Сараево.
Со бронзи се закитија машките кумите тимови за јуниори и У-21, како и кадетско-јуниорски ката тим мажи.
Најмногу прикажа тимот во У-21 со вкупно три победи.
За јуниорскиот кумите тим настапија: Цветан Маргаритов, Филип Наумовски, Фисник Шаќири, Адријан Симоновски, Филип Стојанов, Андреј Стојчевски и Блертон Сулемани.
Во У-21 кумите тимот боите на Македонија ги бранеа: Матеј Белистојаноски, Данило Божовиќ, Стефан Стојановиќ, Вукашин Јовановиќ, Љупче Михајлов, Реџеп Рушити ии Недим Шаќири.
Ката тим за кадети и јуниори настапи во состав: Симон Михајловиќ, Марин Пенџерковски и Зоран Смилевски.
Македонија го заврши Балканското првенство на четврото место со 18 медали – 4 златни, 4 сребрени и 10 бронзени. Прва е Босна и Херцеговина со 36 медали (14-7-15, втора е Србија 24 (8-8-8), додека Турција е трета со 33 медали (7-9-17).
Резултати:
Кумите тим јуниори
Македонија – Црна Гора 2-3
Репасаж – за бронза
Македонија – Босна и Херцеговина 1-3
Ката тим кадети и јуниори
Македонија – Србија 21,40-22,80
Репасаж за бронза
без противник
Кумите тим У-21
Македонија – Хрватска 3-1
Македонија – Романија 3-1
Македонија – Србија 0-4
Репасаж за бронза
Македонија – Словенија 3-0
