Светскиот шампион во супер средна категорија, Канело Алварез оваа година двапати ја одбрани титулата, победувајќи го Хаиме Мунгуја во мај и победувајќи го Едгар Берланга во септември.
Мексиканската боксерска ѕвезда открива дека е подготвен да се бори со Теренс Крафорд. Американецот во август го победи Израел Мадримов во меч за титулата на ВБА во супервелтер категорија.
Канело се поврзува со борба против Крафорд во категоријата до 76,2 килограми, за која би требало Бад (69,9 кг) да прескокне две тежински категории.
Најпрво, Алварез ја отфрли можноста да се бори со Крафорд, велејќи дека тоа нема да направи ништо за неговото наследство.
Канело лани го победи Џермел Шарло, кој напредуваше во две тежински категории со 69,9 килограми и смета дека со истиот резултат би завршил и дуелот со Бад.
Но, сега се предомисли и со задоволство би ја прифатил борбата доколку понудата за хонорар го задоволи неговиот апетит.
„Јас сум за. Зошто да не? Не ме сфаќајте погрешно, тој е одличен борец, но за мене, во мојата тежинска категорија, тоа е лесна борба. И лесна заработка. Ако парите се добри, со задоволство ќе ја прифатам борбата“, рече Канело и додаде:
„Не сакам борбени момци како Крафорд бидејќи тој многу се движи. И таа борба не би била особено интересна. Но, го видов на неговиот последен меч, сега не движи толку многу. Значи, ако парите се во вистински износ, можеме да направиме договор. Но, на сите мора да им е јасно, тежинските категории постојат со причина“.
За Канело, таа борба би била алтернатива за мечот против Давид Бенавидез, кој две години е привремен шампион на ВБЦ во суперсредна категорија.
