Мексиканската боксерска ѕвезда Канело Алварез (56-1-2, 38 КО) го победи Британецот Били Џо Сандерс (33-1, 14 КО) со технички нокаут во осмата рунда. Со триумф пред полните трибини на АТ & Т стадионот во Арлингтон, Канело ја обедини титулата во супер средна категорија, а на своите појаси на ВБА и ВБЦ ја додаде титулата шампион на ВБО.
Сандерс добро се држеше за време на мечот, а до моментот Канело имаше мала предност на судиските картички.
Мексиканскиот боксер влезе поагресивно во мечот и ги доби првите четири рунди. Сандерс заврши добра работа, особено во одбраната, па Канело како да промаши многу удари.
Но, Британецот здивна во петата и со својата комбинација ја доби предноста на судиите во следните три рунда.
Но, Канело продолжи да притиска и брилијантно ја боксираше осмата рунда по која британскиот боксер го предаде мечот поради голема повреда под десното око, која започна да се отекува.
Billy Joe Saunders' eye 😬 pic.twitter.com/fAUPdQ8v0z
— DAZN Boxing (@DAZNBoxing) May 9, 2021
За Били Џо Саундерс ова е прв пораз во кариерата.
„Не беше тешко, како што очекував“, рече Канело Алварез и додаде:
„Трпеливо ја градев победата. Реков дека мечот ќе заврши по шест рунди, но и ова беше брзо. Мислам дека му скршив коска под окото, но тој ќе се врати“.
Канело објави дека има желба да се бори против Калеб Плант, сопственикот на титулата на ИБФ, а со тоа да се обиде да ги обедини сите титули во во супер средна категорија.
Боксерскиот спектакл во Арлингтон беше најголемиот спортски настан во Америка од избувнувањето на пандемијата според бројот на гледачи. На стадионот имаше повеќе од 70.000 навивачи.
Така, стадионот „Далас Каубојс“, НФЛ, го собори рекордот по бројот на гледачи на еден боксерски меч во покриен простор во САД.
Имено, во 1978 година, Леон Спинкс го победи легендарниот Мухамед Али пред 63.352 луѓе во Супердомот во Њуорлеанс.
Canelo adds another title to his collection 🏆
Alvarez gets the TKO victory after Billy Joe Saunders can’t continue after the 8th round. #CaneloSaunders
(📸: @DAZNBoxing, @ESPNKnockOut) pic.twitter.com/JP2gqDgdGG
— ESPN Ringside (@ESPNRingside) May 9, 2021
