Хамзат Чимаев моментално е без меч, но тешко дека ќе му биде договорен. Не многу луѓе сакаат таква борба, но Камару Усман не се плаши. Во октомври 2023 година кога се одржа турнирот УФЦ 294, Чимаев на краток рок прифати да се бори со Камару Усман. Ова се случи откако Пауло Коста се повлече од нивната борба.
Усман ја прифати оваа средба, иако немаше подготовка, бидејќи и за него известувањето беше кратко. Спротивно на очекувањата, Усман му даде сериозен отпор на Чеченецот и во последната рунда може да се каже дека го надбори. Чимаев ја искористи сета своја енергија во првата рунда, но не можеше да го заврши Усман и се измори.
На крајот Чимаев победи со одлука на судиите, но не импресионираше и доби критики. Луѓето го пофалија Усман за неговиот настап кој беше лишен од подготовки и можеше да биде одлучувачки. Сега Усман сака уште една шанса, затоа што верува дека ќе победи.
„Никогаш не се противев на резултатот. Го препознавам Хамзат и го гледам како некој што се обидува да докаже нешто во животот. Но, чувствувам дека ако се бориме во пет рунди, би го победил. Сите во оваа соба можеа да почувствуваат дека Хамзат станува се послаб со секоја рунда и со оглед на фактот дека тој тренира, а јас не, имаме интересна приказна за евентуален реванш.
Не знам дали УФЦ е заинтересиран за реванш. Само велам дека сум подготвен ако има интерес. Можеме да влеземе во битката под еднакви услови, ако двајцата имаме еднакво време да се подготвиме и да ги поставиме работите во перспектива“, рече Усман.
