Џудо клубот Иппон од Скопје беше прогласен за најуспешен во конкуренција на кадетки, додека Арбреше Реџепи е најдобра кадетка на турнирот „Прилеп -град херој 2015“ кој беше организиран од Џудо клубот „Сеишин“ од Прилеп.
Медали на турнирот освоија: Румејса Фејзула (-44 кг) – бронзен медал, Исен Демиршаји (-38 кг) – бронзен медал, Резарт Хисени (-50 кг) – златен медал кај пионерите/ките.
Во кадетска конкуренција медали освоија: Самир Есасд (-50 кг) – бронзен медал, Артан Рушити (-73 кг) – сребрен медал, Ариф Сејди (-100 кг) – сребрен медал, Сеад Бајрами(+100 кг) – златен медал, Арбреша Реџепи (-52 кг) – златен медал, Амра Фејзула(-63 кг) – златен медал и Анастасија Качаниклиќ(-70 кг) – златен медал.
На овој натпревар учествуваа 165 спортисти од 13 џудо клубови од Македонија, Бугарија и Косово.
„На овој турнир нашите спортисти се стекнаа со уште едно искуство плус. Прикажаа
одлични борби. Турнирот беше од контролен карактер за нив и добро е што показателите кажуваат дека нивната форма се движи во нагорна линија. Ни претстојат уште неколку натпревари од контролен карактер и напорна работа на тренинзите до почетокот на новата сезона“, велат од Иппон.
ipon.mk/В.Д.
