Јуниорот Филип Додевски имаше успешно деби на сениорското Светско првенство во таеквондо во Мују, Јужна Кореа, совладувајќи го натпреварувачот од Хаити со 20-6.
Во второто коло се сретна со Србинот Дамир Фејзиќ кој е олимпиец и еден од подобрите борци во Европа од кого беше поразен. Ова е голем исчекор напред за младите македонски таеквондисти и во иднина можеме да очекуваме и поголеми успеси.
Пресотанатите наши натпреварувачи Дејан Георгиевски, Марко Стевиќ и Петра Матијашевиќ ќе настапат во среда.
Додевски е актуелен балкански јуниорски шампион, а годинава го очекува и Европското јуниорско првенство во Кипар во ноември, на кое со стекнатото искуство реално е да се очекува медал.
Ipon.mk/В.Д.
