Шампионот на УФЦ во полутешка категорија (до 93 килограми), Чехот Јиржи Прохаска, призна дека неодамна поминал три дена во темна просторија за да работи на својата ментална сила. Да потсетиме дека Прохаска е познат по својата страст за медитација. Тој е голем обожавател на самураите и се смета себеси за еден од нив.
30-годишната ѕвезда од Чешка се враќа во декември на УФЦ 282 во Лас Вегас. Ќе имареванш со Гловер Тешеира за титулата во полутешка категорија. Јиржи останал во темна соба без храна неколку дена за да работи со своите демони. Така ја разбира својата вистинска природа.
„Три дена целосна темнина. Така, можете безбедно да работите со вашите демони и да тренирате сè што можете. Но, не би сакал да зборувам премногу за тоа, бидејќи тоа е лична работа.
Ова е најголемото задоволство – треба да стигнете до моментот кога ќе истече времето. Тоа е многу корисно. Останувате сами со себе. И никој наоколу. Тоа беше прв пат без храна, имаше само вода.
Сè е многу потешко кога нема храна. Сите процеси во телото се многу поинтензивни. Мозокот е активен.
Три дена, четири дена не се многу. Ова го практикувам само за да дознаам кој сум навистина. После тоа можам да почнам да тренирам и да одам на следното ниво“, изјави Прохаска, за ММА фајтинг.
