Американската боксерска легенда Ивандер Холифилд уште еднаш ја покажа својата почит кон големиот ривал Ридик Боу, за кој вели дека бил непоразен во најдобрите години.
Американската икона во тешка категорија имаше исклучително успешна професионална кариера која започна веднаш откако го освои олимпискиот бронзен медал на Игрите во Лос Анџелес во 1984 година.
Со победата против Карлос Де Леон во април 1988 година, тој стана неприкосновен шампион во полутешка категорија, а потоа, две години подоцна, го повтори истиот подвиг во тешка категорија кога во третата рунда го нокаутира Џејмс Даглас – Бастер.
Холифилд три пати ја бранеше неприкосновената шампионска титула во тешка категорија, вклучувајќи ги и победите над тешкашите Џорџ Форман и Лери Холмс.
Но еден борец во неговите очи беше најдобар тешкаш за време на неговите златни години.
„Ридик Боу, во својот цут, се разликуваше од останатите. Ги скрши сите“, рече еднаш Ивандер Холифилд.
„Големиот татко“ Боу (43–1, 33 КО, 1 НЦ) го симна од тронот Холифилд во ноември 1992 година во првата од нивните три борби. Ивандер возврати 12 месеци подоцна во реваншот и тоа беше единствениот пораз во кариерата на Ридик.
Боу го победи Холифилд повторно во ноември 1995 година со технички нокаут во осмата рунда.
