Ислам Махачев, шампионот на УФЦ во лесна категорија, побара организацијата да го одложи јубилејниот настан поради месецот на Рамазан.
Бидејќи Махачев пости во овој свет месец за муслиманите, тој одби да учествува на настанот. Махачев потврди дека му била понудена борба против Леон Едвардс на УФЦ 300, но призна дека планираниот датум е невозможен. Ислам објасни дека враќањето во април нема да биде изводливо поради неговите верски обврски за време на Рамазан.
Побарал од организацијата да го одложи УФЦ 300 за две недели за да се прилагоди на неговата ситуација, но тоа барање било одбиено.
„Да, ми беше понудена борба со Леон Едвардс на УФЦ 300, но тоа не е можно, човеку. Сега е Рамазан. Мора да постите во текот на денот. Имаме само пет до шест часа кога можеме да јадеме нешто. Тренингот во ова време е многу тежок.
Знам дека Дастин не заслужува борба за титулата, но немаме опции во моментов. Сите се зафатени, а јас сакам да се борам. Сакам да се борам 3 пати годишно. Пориер е слободен. Дастин е легенда, победил многу врвни момци.
Покрај тоа, тој е силен противник кој има добра гилотина“, изјави Махачев.
Постот за време на Рамазан е еден од петте столбови на исламот. Повеќето побожни муслимани избираат да постат, што значи да не јадат или пијат 12 часа помеѓу изгрејсонце и зајдисонце. Многу муслимански борци избираат да не се борат за време или кратко по Рамазан поради ефектот што постот го има врз телото.
View this post on Instagram
