Шампионот на УФЦ во лесна категорија Ислам Махачев треба да донесе одлука за својот следен противник на 10 мај по УФЦ 315. На настанот во Канада ќе настапат актуелниот шампион во полусредна категорија Белал Мухамед и Џек Дела Мадалена. Веста ја објави новинарот на Еуроспорт Алваро Колменеро на својата страница на социјалните мрежи.
Ѕвездата од Дагестан има право на втор појас и нема да се повлече од ММА додека не се обиде за титулата во полусредна категорија. Ислам минатата година требаше да се искачи во полусредна категорија, но Мухамед ја освои титулата и му ги расипа плановите. Двајцата се пријатели и соборци, што ја прави невозможна борба меѓу нив.
И Белал и Ислам не сакаат да го делат кафезот. Ова е причината поради која Махачев ја чекаше борбата со Дела Мадалена, бидејќи ако Белал загуби, тогаш за Дагестанецот е отворен патот до титулата во полусредна категорија. Илија Топурија, Чарлс Оливеира и Џастин Гејџи во моментов се во борба за шанса против Махачев. Сепак, Ислам има свои планови и ќе одлучува за неговата иднина по УФЦ 315.
Ќе треба да почекаме 1 месец за да се разјасни иднината на Махачев.
View this post on Instagram
