На средбата на карате ветераните во Крива Паланка во саботата се одбележаа 50 години практикување карате спортот и 40 години постоење на карате клубот „Крива Паланка 84“ со присуство и одржување ревијален тренинг со легендите на југословенското карате Марко и Ѓорге Ницовиќ.
На регионалната средба имаше каратисти ветерани од Србија, Бугарија и Македонија.
Претходно се одржа свечена академија и беа доделени признанија на заслужни каратисти и карате работници.
Натпреварот во кати заврши со триумф на Зоран Пејов и Елена Димитровска Димоска во поединечна конкуренција, додека ката тимот од Бугарија е победник во екипна конкуренција.
Сето ова беше во организација на Унијата на карате ветерани на Македонија и претседателот Чедомир Саздовски.
Резултати – кати:
Мажи
1.Зоран Пејов – Македонија
2.Сретен Јефтиќ – Србија
3.Миодраг Николиќ – Србија
Жени
1.Елена Димитровска Димоска – Македонија
2.Маргарита Попова – Бугарија
3.Силвана Трпковска – Македонија
Екипно
1.Македонија
2.Бугарија
Имаше демонстрација на каратисти од карате клубот од Пробиштип и настап на културно-уметничко друштво од Крива Паланка.
