Освојувачите на медали од Алжир, вклучително и боксерката Иман Келиф, добија триумфално добредојде по враќањето дома од Олимписките игри (ОИ) во Париз.
Олимписката делегација предводена од освојувачите на медалите, меѓу нив и златната Келиф, беше пречекана на аеродромот, а потоа во почесната сала, во присуство на членови на семејството, беа примени од министерот за спорт, Абдерахмане Хамад.
Облечени во боите на Алжир, Келиф, гимнастичарката Кајлиа Немур и атлетичарот Џамел Сеџати мавтаа со медалите пред мноштвото навивачи кои ги поздравија со извиците „”Да живее Иман“ (Tahia Imane) и звукот на тапаните.
🚨Première déclaration d’Imane Khelif sur le sol Algérien :
« Tout d’abord, je remercie Allah pour ces résultats. Nous sommes très contents d’être là avec Djamel et Kaylia en présence de nos familles. C’est une joie immense de vivre ça. »#ImaneKhelif pic.twitter.com/yMx1ZNBFPG
— Algérie Football Média 🇩🇿 (@DZFOOTBALLDZ) August 12, 2024
Три години по настапот на ОИ во Токио, каде што не предизвика никакви контроверзи, Келиф се најде во центарот на вниманието во Париз, откако лани беше суспендирана од Светското првенство (СП), откако ДНК тестовите покажаа дека има XY хромозоми и вишок тестостерон.
Сепак, доби право да настапи во Париз и да го освои златото. Многумина ја нападнаа на социјалните мрежи, а таа најави кривично гонење поради претрпената душевна болка.
По враќањето во татковината, боксерката му се заблагодари на алжирскиот народ што ја поддржа во оваа искушение и ѝ даде сила.
– Фала му на Бога, му ја вративме честа на Алжир и го развеавме алжирското знаме во Париз. Што е најважно, му донесовме радост на алжирскиот народ и им ја вративме честа на Алжирките, рече нејзиниот тренер Мохамед Чауа.
