Илија Топурија има вистинска доверба во односот со раководството на УФЦ и затоа е целосно убеден дека неговата следна борба ќе биде за шампионската титула во лесна категорија.
Топурија (15-0 ММА, 8-0 УФЦ) официјално ќе ја ослободи титулата во перо категорија за помалку од две недели кога Александар Волкановски и Диего Лопез ќе се борат на УФЦ 314 во Мајами. Кога ќе започне оваа борба, Топурија повеќе нема да го држи појасот во категоријата, а неговиот премин во лесна категорија ќе биде официјален.
Откако Топурија во февруари објави дека ќе се откаже од појасот, имаше многу шпекулации и дискусии за тоа дали ќе се бори со Ислам Махачев. Речиси сите во спортот дадоа мислење дали ова е фер или не, со оглед на тоа што шампионот Ислам Махачев веќе беше критикуван дека има две одбрани на појасот против перолеснашот Волкановски.
Ilia Topuria tras WOW 17:
“La UFC me ha prometido que voy a pelear por el cinturón. Por eso lo dejé vacante. Y siempre han cumplido conmigo”.@marca pic.twitter.com/jOOXrjB5Z7
— Irati Prat (@IratiPratSC) March 29, 2025
Илија вели дека од УФЦ му ветиле шанса за титулата во лесна категорија, откако тој го ослободил златото во перо категорија. Тој е уверен дека Дана Вајт ќе си го одржи зборот.
„УФЦ ми вети дека ќе се борам за појасот. Затоа го ослободив. Тие секогаш го одржаа ветувањето“, изјави Топурија на новинарите во Мадрид, Шпанија.
И покрај коментарите на Топурија, во оваа фаза нема докази дека неговата изјава е 100 отсто веродостојна. Извршниот директор на УФЦ, Дана Вајт, претходно овој месец изјави дека следната борба на Топурија не е решена и дека е можно да се бори со некој друг пред да дојде до појасот.
