Поранешниот шампион на УФЦ во перо категорија (до 66 кг), шпанско-грузискиот борец Илја Топурија, изјави кога би сакал да се соочи со актуелниот крал во лесна категорија (до 70 кг), Ислам Махачев.
„Сакам борбата да биде налето. Но, ако тоа не се случи, јас сум подготвен за шампионска борба наесен. Не разговараме за други опции”, изјави Топурија за ТАСС.
Топурија (28) се натпреварува во УФЦ од 2020 година. Во февруари, на УФЦ 298, ја освои титулата во перо категорија со нокаут во втората рунда над Алекс Волкановски. Во неговата последна борба на УФЦ 308 во Абу Даби успешно го одбрани појасот нокаутирајќи го Макс Холовеј во третата рунда.
Топурија не ги крие амбициите да стане двоен шампион и е подготвен да го следи Махачев оваа година.
