Изгледа дека ОНЕ шампионат е во сериозна криза. Кон крајот на минатата година азиската организација за боречки вештини ја напуштија Сајгид Изагахмаев и Мурад Рамазанов, а сега тоа го направи поранешниот шампион во средна и полутешка категорија, Рајнер де Ридер.
Холанѓанецот кариерата ќе ја продолжи во организацијата ОАЕ Вориорс, додека Рамазанов премина во ПФЛ.
Де Ридер ги загуби последните два меча против Русинот Анатоли Малихин, а последниот го претрпе во март на настанот ОНЕ 166, мечот го предаде во третата рунда.
Изгледа недостигот на натпревари во ОНЕp е огромен проблем за нивните најголеми борци. Промоцијата е во долгови, а доказ за тоа се ретките настани каде настапуваат послаби борци.
Хрватот Роберто Солдиќ потпиша за ОНЕ шампионатот во август 2022 година, а досега има само два настапи.
Тој дебитираше на крајот на истата година против Мурад Рамазанов, но откако доби удар во меѓуножјето во првата рунда, не можеше да ја продолжи борбата, па натпреварот беше откажан.
Последната борба на Солдиќ беше во мај 2023 година, кога загуби со прекин во втората рунда од Швеѓанецот Зебастијан Кадестам.
