Најдобриот хрватски боксер Филип Хрговиќ пред неколку дена во видео порака изјави дека ја прифаќа понудата на Џозеф Паркер за меч кој би се одржал на 8 март на настан предводен од Ентони Џошуа и Френсис Нгану.
Но, ништо нема да излезе од тоа, Новозеландецот за тој спектакл во Саудиска Арабија договори пресметка со кинеската тешкаш Жилеј Жанг.
Откако минатата година направија пробив на светската сцена со големи победи, Жилеј Жанг и Џозеф Паркер ќе се сретнат во дуел во воведниот дел од настанот, каде главни ѕвезди ќе бидат Џошуа и Нгану.
„Биг Бенг“ Жанг (26-1-1, 21 КО) го освои привремениот појас на ВБО минатата година со нокаутирање на Џо Џојс, а тоа го направи повторно во реваншот неколку месеци подоцна.
Кинезот сега е во ред за освојување на титулата која моментално ја поседува Александар Усик, но следниот месец му претстои апсолутен меч за светската титула во тешка категорија против Тајсон Фјури.
Џозеф Паркер (34-3, 23 КО) минатиот месец ја постигна една од најголемите победи во кариерата. Новозеландецот доминираше и на крајот со едногласна одлука го победи поранешниот шампион на ВБЦ Дионтеј Вајлдер.
