Фронтменот на Мегадет, Дејв Мастејн, ја започна 2021 година со стекнување на виолетов појас во бразилско џиу џицу.
59-годишната легенда, посочен од музичките критичари ширум светот како татко на треш металот, е страстен љубител на боречките вештини, како носител на црн појас во таеквондо и во јукидокан карате. Мастејн го доби појасот во салата „Грејси Бара“ во Спринг Хил, Тенеси, од инструкторот Реџиналдо Алмеида, кој сподели фотографија на социјалните мрежи.
„Две години откако зедов син појас и здрав тренинг, со многу подеми и падови, денес имав задоволство да го подигнам господинот во заслужен виолетов појас. Честитки, дете!“, напиша тој.
Ова е уште една победа за Дејв Мастејн надвор од музиката, откако минатата година се бореше со ракот.
