Џек Хермансон на 23 јули ќе се бори во октагонот против Дарен Тил на УФЦ Фајт најт 211 во Лондон. Пресметката ќе биде во средна категорија, а победникот најверојатно ќе биде во топ 5 во дивизијата. Натпреварот ветува дека ќе биде многу интересен со оглед на фактот дека двајцата се еден до друг на ранг листата (Хермансон е 7-ми, а Тил е 8-ми).
Хермансон има биланс од 22 победи и 6 порази во ММА. Тој победи на 17 натпревари со завршница (11 со нокаут и 6 со принуда). 33-годишниот Швеѓанец има само 4 порази од 13 средби во УФЦ. За помалку од една година – помеѓу мај 2018 и април 2019 година, Хермансон забележа 4 последователни победи. Серијата ја прекина Џаред Канониер на УФЦ Фајт најт 160. Во 2020 година, шведскиот борец забележа победа над Кевин Гастелум со завршница во првата рунда на УФЦ Фајт најт 172, што го врати на победнички патеки, но загуби на почетокот на декември од Марвин Ветори со едногласна одлука. Овој мај, Хермансон се врати на победите, победувајќи го Едман Шабазјан на УФЦ Фајт најт 188.
Дарен Тил има биланс од 18 победи, 1 нерешна и 4 порази во ММА. Тој победи на 12 средби со завршница (10 со нокаут и 2 со принуда). 29-годишниот борец е дел од УФЦ од 2015 година и во овој период од околу 7 години Англичанецот оствари 6 победи, 1 нерешена и 4 порази. Во моментов не е во многу добра позиција, бидејќи има само една победа во последните пет средби. Последен пат влезе во октагонот минатата година, губејќи од Дерек Брансон во третата рунда на главниот настан на УФЦ Фајт најт 191.
