Минатиот викенд УФЦ 295 се одржа во Њујорк на чело со борба за титулата во полутешка категорија.
Бразилецот Алекс Переира до тронот стигна со нокаут во последната минута од втората рунда против Чехот Јиржи Прохаска.
Интересна беше и конасловната борба во која Англичанецот за само 69 секунди го нокаутира Русинот Сергеј Павлович и го освои привремениот шампионски појас во тешка категорија.
Инаку, настанот во Медисон сквер гарден требаше да ја предводи пресметката за титулата во тешка категорија меѓу шампионот Џон Џонс и Стипе Миочиќ.
Но, Џонс се повреди и го откажа настапот, па УФЦ им даде шанса на Аспинал и Павлович да се борат за појасот.
Претседателот на УФЦ, Дана Вајт, пред некој ден изјави дека ручал со Стипе Миочиќ, кој потврдил дека се уште сака меч против Џонс.
„А што се однесува до натпреварот меѓу Џонс и Миочиќ, ништо нема да се промени. Тие ја заслужуваат таа борба, се уште го сакаат тој меч“, изјави Дана Вајт.
Но, поранешниот шампион Хенри Сехудо изгуби интерес за борбата меѓу Џонс и Миочиќ, тој сака да го види Англичанецот на мечот против Боунс.
„Што може да направи Том Аспинал сега, откако го нокаутира Павлович. Што е следно за него? Дали може да се бори со Џонс или Миочиќ? Времето ќе покаже“, истакна Хенри Сехудо и додаде:
„Што и да е Миочиќ, веќе не ме интересира борбата меѓу него и Џонс. Сагата меѓу Џонс и Миочиќ трае предолго, изгубив интерес. Но, тој нов дечко Том Аспинал е вистински борец, многумина веќе се заинтересирани за него. Има нокаут моќ и е многу подвижен, некако ме потсетува на Сирил Гане, но тој е посилен од Французинот. Тој е опасен и сакам да го видам во октагонот против Џонс. Сакам да го гледам тој натпревар“!
