Долгото чекање заврши и викендов ќе бидеме сведоци на враќањето на Хамзат Чимаев.
Чеченската ѕвезда го чека тежок тест со Роберт Витакер. Двајцата се среќаваат во главната борба на настанот УФЦ 308 кој ќе се одржи во Абу Даби. Чимаев и Витакер требаше да се борат во јуни во Саудиска Арабија, но Хамзат се повлече поради болест. Роберт остана на настанот и го нокаутира Икрам Алискеров, кој прифати борба за кратко време.
Нивната борба сигурно ќе го даде следниот предизвикувач за титулата. Мечот е закажан во 5 рунди, но „Борз“ смета дека нема да му треба толку време, бидејќи ќе го заврши поранешниот шампион. Чимаев е фаворит пред борбата и се закануваше дека ќе победи пред крајот на мечот.
🗣️ Khamzat Chimaev: "[Robert Whittaker] knows how to lose. We don't. I'm ready for victory."
(via. #UFC308 Media Day) #UFC #MMA pic.twitter.com/9ssNzfTeD8
— Championship Rounds (@ChampRDS) October 23, 2024
„Роберт Витакер знае како да губи. Не знаеме што е пораз. Подготвен сум за победа. Притискав од првата до последната секунда во моите спаринг сесии. Мислам дека нема да биде поинаку во кафезот. Не кажав ништо за моето здравје пред борбата со Камару Усман, па сите мислат дека дојдов здрав во кафезот, нели? Бев болен утрото пред борбата.
Не барам изговори. Сите ние сме борци, не треба да се оправдуваме. Сум бил во САД и дојдов во САД, но многу глупости се случуваат во мојот живот. Случајно сум болен, операции, па затоа не се борам како порано. Ќе го завршам овој човек. Не е гладен како мене“, изјави Чимаев за медиумите.
