УФЦ борецот Хамзат Чимаев, кој се натпреварува во средна категорија (до 84 килограми), одговори дали може да се смета за руски борец.
Чимаев неодамна доби државјанство во ОАЕ и рече дека со гордост ќе ги претставува. Неговата ситуација е комплицирана, бидејќи е роден во Чеченија, но подоцна се преселил во Шведска. Хамзат долги години живееше во Шведска и таму ги направи првите чекори кон славата.
Во последниве години помина многу време во Емиратите, како и дома во Чеченија. Многу луѓе се прашуваат која земја точно сака да ја претставува Чимаев. Тој одговори на ова прашање и изјави дека ќе ја претставува Русија и Емиратите.
„Не знам, но сакам да бидам во Русија. Ја сакам оваа земја и тука сум цело време. На тренинг кампот во Елбрус, во Кабардино-Балкарска Република, бев пречекан многу топло додека се подготвував за мечот против Витакер. Навистина ми се допадна.
Во секој поглед, навистина уживав да се подготвувам во Русија. Затоа сега често летам овде. Рамзан Кадиров се јави и рече дека имаат сала кај езерото Казенојам. И јас се подготвував таму. Јас ги претставувам Русија и Емиратите“, рече Чимаев.
Чимаев моментално одмара, но очекува да добие шанса за титулата против Дрикус ду Плесис.
View this post on Instagram
