Хабиб Нурмагомедов е еден од водачите на првата генерација големи ММА борци кои потекнуваат од школата на покојниот Абдулманап Нурмагомедов. Големиот Абдулманап обучил и школувал многу деца од Дагестан, а денес плодовите на неговата работа се жнеат.
Сепак, Хабиб беше еден од првите кој блесна на светската сцена, доминираше во натпреварите против борците на највисоко ниво, а кариерата ја круниса со освојување на појасот на УФЦ и забележа три одбрани на појасот.
По третата одбрана на појасот и 29-та победа во 29-от настап, Хабиб се повлече од спортот, а причина за повлекувањето беше ветувањето кое и го даде на мајка си. Хабиб и ветил дека повеќе нема да влезе во кафезот без неговиот татко, кој почина како последица на тешка болест на белите дробови.
Не долго откако Хабиб се повлече од сцената, Ислам Махачев, исто така ученик на Абдулманап и долгогодишен пријател на Хабиб, почна да ја презема славата. Махачев е актуелен шампион во лесна категорија, три пати го бранеше појасот и веројатно во моментов е најдобриот светски ММА борец.
Многу млади борци од Дагестан сега го гледаат Махачев во акција и се восхитуваат на неговите вештини, а меѓу обожавателите беше и еден од синовите на Хабиб. Нурмагомедов има два сина, едниот е роден кон крајот на 2017 година, а другиот кон крајот на 2019 година. Синовите на Хабиб беа премногу мали за да гледаат и да разберат што прави нивниот татко, бидејќи Хабиб се повлече од спортот во октомври 2020 година. Денес, постариот син на Хабиб е добро свесен и подобро го разбира спортот во кој неговиот татко се прослави, но нема можност да го гледа татко му на дело, туку Ислам Махачев.
„Син ми ме праша: „Ислам Махачев е многу добар борец, дали и ти беше толку добар? Не се ни сеќава дека сум се борел. Сè уште е млад и целосно не разбира. Не ми го виде ниту појасот“, изјави Хабиб во разговор со Нурлан Сабуров.
View this post on Instagram
Така, пред Хабиб останува уште период во кој ќе ги запознае синовите со својот имиџ и дело. Очигледно, неговите синови се уште не се свесни дека нивниот татко е еден од најголемите борци во историјата на овој спорт, а не се сомневаме дека проучувањето на кариерата на Хабиб ќе им донесе голема среќа и гордост на синовите на Хабиб.
