Хабиб Нурмагомедов беше првиот кој му честиташе на Јан Блахович за одбраната на титулата.
Полјакот го бранеше појасот во полутешка категорија на УФЦ 259 од непоразениот Израел Адесања. Се појави видео на кое Орелот му оддава почит на неговиот колега и објаснува зошто победил:
„Почитуван пријателе. Дали знаеш зошто победи? Поради двете соборувања. Тие се дел од борбата, а борењето е сила“, рече Хабиб.
"You know why you win?"@TeamKhabib's assessment of Jan Blachowicz' UFC 259 win is exactly what you would expect 😅
(📽 @UFC) pic.twitter.com/fASo0jKfxC
— UFC on TNT Sports (@ufcontnt) March 12, 2021
Блахович со насмевка ги прифати зборовите на Нурмагомедов.
Полјакот ги направи соборувањата во 4-тата и 5-тата рунда, по што го држеше под контрола противникот до крајот на рундите. Јан демонстрираше одлични вештини на партер и конечно го покажа клучот за победа против Адесања.
По оваа одбрана, ова е четврта победа на Блахович на голем меч во УФЦ, кога влегувал како аутсајдер во борбата.
Хабиб беше еден од специјалните гости на свечената вечер и ги следеше средбите во близина на октагонот.
