Големиот балкански карате семинар (ГБКС) повторно се враќа на сцената откако три години паузираше заради пандемијата на Ковид-19.
ГБКС семинар се одржува во четири држави Македонија, Бугарија, Србија и Црна Гора, предводен од инструкторите Зоран Пејов, Тони Петров, Милан Ѓокиќ и Ранко Вукотиќ.
Годинава ГБКС ќе стартува на 2 јуни од Софија, а наредниот ден продолжува во Кнеже, град близу до ромаската граница.
Потоа семинарот ќе се одржи и во другите држави, а во Македонија ќе биде наесен.
Поради вонредната состојба во Македонија во 2020 година ГБКС не се одржа, а беше планиран за 24 и 25 април. Сепак, семинарот во организација на сенсеи Зоран Пејов и Карате центар „Пејов“ што се одржа претходните две години во Скопје од сите мајстори беше прогласуван за најдобар.
