Еден од најатрактивните борци на УФЦ овој викенд ќе се соочи со еден од најдобрите специјалисти за завршница. Џастин Гејџи ќе го предизвика Чарлс Оливеира за титулата во лесна категорија на УФЦ 274.
Гејџи пред настанот посочи грешка што ја направи во претходниот напад на титулата, кој заврши со пораз од Хабиб Нурмагомедов.
Во октомври 2020 година, Џастин се соочи со Хабиб. Иако во претходната битка Американецот доминираше со Тони Фергусон и сите очекуваа тој да биде најсериозен тест на Дагестанецот, Хабиб директно го распердаши Гејџи и го задави во втората рунда.
„Морам да бидам совршен. Единствениот пат кога се потпрев на друга стратегија – да не туркам напред, беше против Хабиб и никогаш повеќе нема да ја направам таа грешка. Значи, ако го пуштам противникот да оди кај мене, тоа не зборува добро за мојата борба.
Јас ќе бидам совршен. И тоа за 25 минути“, ја посочи грешката Гејџи.
https://www.youtube.com/watch?v=4GCbxhAAz48
.
