Анте Делија ќе почека уште малку за своето деби во УФЦ, кое требаше да се случи викендов против Сирил Гане.
Проблемот на хрватскиот ММА борец му направи ПФЛ промоцијата, а според нив, Делија и понатаму е нивен член.
УФЦ, во меѓувреме, бара нов ривал за францускиот тешкаш, кој победи во сите три борби за четири месеци од своето деби во најсилната светска организација за боречки вештини.
Шефот Дана Вајт откри дека на Гане му подготвува жесток ривал Жуниор дош Сантос.
Dana White says the UFC is working on booking Cyril Gane vs Junior dos Santos 😳
— Aaron Bronsteter (@aaronbronsteter) October 16, 2020
Поранешниот шампион во моментов е надвор од форма и има неколку порази, но тој е борец кој претставува голем предизвик за секого.
Дос Сантос ги загуби последните три борби со нокаут од Френсис Нагану, Картис Блејдс и Жаирзињо Розенструик.
