Себастијан Фундора (21-1-1) е новиот светски шампион на ВБО и ВБЦ во супер велтер категорија, шокирајќи го многу фаворизираниот Тим Цју (24-1) пред публиката во Лас Вегас.
26-годишниот гигант од Флорида одговори на поканата со само две недели најава по повредата на Кит Турман (30-1), што дополнително го зголеми изненадувањето што го приреди против Австралиецот.
Крвта почна да тече од втората рунда па натаму кога Цју се заглави во лактот на Фундора и на неговото лице се отвори повреда која не престана да крвари во текот на целиот меч. Потоа, за возврат го скрши носот на противникот и потече крв и од таму.
View this post on Instagram
Судиите на крајот беа поделени во нивната одлука. Стив Вајсфелд даде 116-112 во корист на Тимофеј, додека Тим Читам даде 112-116 и Дејвид Сатерленд даде 113-115 во корист на Себастијан.
Новиот шампион се заблагодари за можноста што му ја даде противникот, а потоа призна дека го остварил својот сон.
Сега има двајца светски шампиони во семејството Фундора бидејќи сестрата Габриела исто така го има појасот на ИБФ во мува категорија.
