„Ако сакате да се бориме без ракавици, да се бориме без ракавици“
Поранешниот шампион на УФЦ во тешка категорија Френсис Нгану оваа година ќе се бори во рингот против шампионот на ВБЦ, Тајсон Фјури, а претходно Нгану сака да биде апсолутно сигурен дека ќе добие фер борба. Камерунецот изрази загриженост дека „Ромскиот крал“ може да се обиде да мами со помош на неовластени ракавици.
Во подкастот со Џо Роган Нгану го цитира повеќекратниот противник на Фјури, Дионтеј Вајлдер кој го обвини Фјури дека ги наполнил ракавиците пред нивниот реванш во 2020 година и Дерек Чисора кој се нашол во слична неволја и го обвини Фјури дека ја пресекол ракавицата за да ги повреди очите на Чисора.
„Многу е чуден со ракавицата, мислам дека мами. Ни велат дека нема за што да се грижиме бидејќи комисијата ги прегледува ракавиците. Им велам дека секоја ракавица мора да се прегледа“, вели Нгану.
Тајсон Фјури ги негираше и ги исмеа обвинувањата за мамење со ракавиците, а Спортската комисија на Невада која го надгледуваше неговиот меч со Вајлдер рече дека немало мамење со ракавиците, што, сепак, не го задоволило Нгану.
„Не ми кажувајте за некаква провизија. Ако сакате да се бориме без ракавици, да се бориме без ракавици. Но, немојте да ми давате ракавици од 10 унци, а тој да носи ракавици од осум или шест унци. Во светот на боксот, треба да проверите сè двапати“, инсистираше Нгану.
Мечот на Нгану со Фјури е отскочна штица за неговиот понатамошен настап во ПФЛ, а според досегашните информации тој само од таа борба треба да заработи околу десет милиони долари. Борбата ќе се одржи на крајот на годината во Саудиска Арабија.
