Френк Ворен верува дека Тајсон Фјури ќе остане во пензија во догледна иднина, но целосно не ја исклучува можноста за негово враќање.
Откако ги претрпе првите порази во професионалната кариера, Фјури најави повлекување веднаш по реваншот во декември. Сепак, ова не е прв пат „Кралот на Ромите“ да се повлече, за подоцна да се премисли.
Во интервју за Ариел х Аде шоу на ДАЗН, Ворен коментираше дали Фјури повторно ќе се бори: „Во моментов тоа не е вистина. Ова го велам искрено затоа што Тајсон е единствена личност. Разговарав со него неколку пати по неговата одлука, но не сме разговарале за враќање. Ако го стори, тоа ќе биде негов личен избор“.
Според Ворен, Фјури нема финансиска потреба да се врати: „Тој е многу богат човек, заработи многу пари. Ако повторно влезе во рингот, тоа ќе биде затоа што сè уште има борбено срце. Во моментов, вели дека е среќен и на добро место во неговиот живот. Тоа е најважно за мене“.
