Френк Ворен ги сподели своите размислувања по реваншот меѓу Тајсон Фјури и Александар Усик. Според Ворен, борбата, одржана на 21 декември, била „поблиска“ отколку што првично ја проценил. Сепак, тој и понатаму верува дека „Џипси Кинг“ ја заслужил победата.
Зборувајќи за Бокс нејшн, Ворен откри: „Повторно ја гледав борбата и сфатив дека е многу поблиска отколку што мислев дека е прв пат. Сепак, сè уште чувствувам дека Тајсон требаше да биде прогласен за победник“.
Тој додаде дека е изненаден од резултатот на судиите, кои не му дадоа предност на Фјури во последните седум рунди. „Го гледав повторно и многу луѓе вклучени во спортот, кои ги сметам за прилично упатени, и се сметам себеси за прилично упатен, затоа што го правам тоа 47 години и раководев Бог знае колку шампиони во мое време. Не гледам како еден од судиите не му даде на предност на Тајсон во една од последните седум рунди.“
