Тајсон Фјури се сомнева дека Александар Усик може да ги издржи истите удари како Дерек Чисора, кого го победи во нивната трилогија на почетокот на декември.
Наскоро треба да се знае дали шампионот на ВБЦ во тешка категорија следната година ќе боксира против Усик за обединување на титулите.
По 2011 и 2014 година Кралот на Ромите повторно го победи Чисора со прекин во десетата рунда, додека Усик го победи Дерек со едногласна одлука по 12-тата рунда во неговиот втор меч во тешка категорија (2020 година).
Украинецот меѓу тешкашите пристигна како апсолутен шампион во полутешка категорија.
Фјури истакнува дека мечот на Усик против Чисора е доказ дека нема да има тешка задача против Украинецот.
„Нема да биде тешка борба“, изјави Тајсон Фјури за ИФЛ ТВ и додаде:
„Мислам дека не е никаде толку тешко, бидејќи тој не е како стариот Дел Бој. Нема да ги преземе ударите што Дерек ги упати врз мене. Кога ја гледам борбата меѓу Усик и Чисора, сакале луѓето да признаат или не, тоа беше меч 50-50, најмногу 55-45. Во таа борба не изгледаше дека Дерек не победил неколку рунди, како на натпреварот против мене.
Во неодамнешниот реванш Александар Усик уште еднаш го победи Ентони Џошуа и ги одбрани титулите на ВБА, ИБФ и ВБО во тешка категорија.
Во март е планирано да се договори меч меѓу Фјури и Усик, веројатно некаде на Блискиот Исток.
„Уште не се родил тој што може да ме победи и тоа може да го докажам против кого било“, истакна Фјури и додаде:
„Морам постојано да се докажувам. Сум видел многу мали борци како Усик кои влегуваат во тешка категорија и потоа сакаат да се борат со вистински шампион. Не можете никого да потцените, но со оглед на мојата моментална форма, тоа многу брзо ќе го решам. Сакам да биде пример за другите, а потоа да му дадам реванш на Вембли“.
