Светскиот боксерски шампион на ВБЦ, Тајсон Фјури, на 28 октомври во Саудиска Арабија против поранешниот врвен УФЦ тешкаш Френсис Нгану.
По таа борба, Кралот на Ромите има нов предизвик – меч за обединување на шампионските појаси во тешка категорија против Александар Усик.
Непоразениот британски боксер има 33 победи во кариерата и едно реми. Во својот последен меч во декември минатата година со прекин во десетата рунда го совлада Дерек Чисора и по трет пат ја одбрани светската титула.
Неодамна изјави дека многу ослабел на подготовките, а за ова зборуваше и во последното интервју пред натпреварот против Нгану.
„Одлично е да се има убаво тело. Би сакал да го имам, но не знам дека тоа некогаш ќе се случи. Тренирам повеќе од 20 години и никогаш не сум го имал. Бев на тренинг камп, живеев како монах последните 12 недели и се уште немам добро тело“, изјави Тајсон Фјури и додаде:
„Немав добро тело ни кога бев тинејџер. Научив дека ова не е натпревар во бодибилдинг. Не изгледам како човек способен да трча 30 километри, но навистина можам. Важно е да можам да се борам, а не како изгледам. Целта е да се победи“.
Кралот на Ромите се осврна и на неговата дебелина.
„Ми се допаѓа што сум дебел, се разликувам од другите. Никогаш немало некој како мене, таков сум јас. Сега сум дебел, таков бев како бебе и ќе бидам дебел кога ќе умрам. Сите сме дебели, тато, мама, целото семејство“, подвлече Тајсон Фјури.
Непоразениот шампион истакнува дека е најдобриот боксер во светот и дека со леснотија би ги победил сите тешкаши.
Александар Усик го најави своето пристигнување во Саудиска Арабија на натпреварот меѓу Фјури и Нгану.
„Кого сече, каква врска има тоа со него. Тоа е шоуто на Фјури, тоа е на мене и на Нгану. Африканскиот крал ќе се бори против Ромскиот крал“, истакна Тајсон Фјури, а потоа продолжи:
„Никогаш не ме интересираа приказни за непобедливост, така му кажав на Владимир Кличко. Тој ми рече дека ги сакам неговите титули, а јас реков: „Не ми е грижа за твоите појаси. Ќе ти ја скршам главата“. Појасите не ми значат ништо, важно е да го победиме противникот. А се друго е бонус“.
Од Фјури беше побарано да ги именува петте најголеми боксери во тешка категорија во историјата, а тој одговори:
„Тајсон Фјури, од прво до петто место“.
