Џони Фишер, еден од главните спаринг партнери на Џо Џојс, предупреди дека Џaгернаут наскоро ќе биде најдобрата тешка категорија во светот.
Својот заклучок го искажа по спарингот со Џојс, бидејќи Џо му подготвува пекол секој пат во рингот.
Џојс е привремен шампион на ВБО и главен претендент за меч против победникот од евентуалната борба за апсолутен светски шампион меѓу Тајсон Фјури и Александар Усик, што треба да се одржи на почетокот на следната година.
Но, според договорот на боксерските организации, Џојс е само трет во низата зад задолжителниот предизвикувач на ВБА, Даниел Дубоа и кандидатот на ИБФ, Филип Хрговиќ.
Но, ако не може да се договори меч за обединување, тогаш Џојс би можел да се бори со Фјури за титулата во тешка категорија на ВБЦ.
Лондончанецот стана боксер од највисоко ниво по триумфот против Џозеф Паркер и би можел да ги нападне светските титули следната година.
„Џојс е меѓу првите тројца најдобри боксери во светот. На секој кој го следи боксот во тешка категорија му е јасно дека сега припаѓа на врвот и бара меч за светска титула. А Џо го заслужува тоа бидејќи видов како се разви во вистински борец“, истакна Џони Фишер.
А кој би можел да биде следниот противкандидат на Џојс, нема недостиг од кандидати. Џо е закана за секој тешкаш во светот, тврди неговиот колега тренер.
„Има неверојатна брада, енергија и може да погоди. Подготвен е за 12 рунди, а Фјури и Усик го знаат тоа. Против кој и да се бори ќе им даде вистински пекол. Неговите противници мора многу добро да се подготват. Тешко е да спарираш со него шест или осум рунди, а да влезеш во рингот против него е најблиску до пеколот на земјата“, подвлече Џони Фишер.
