Шампионот на ВБЦ во тешка категорија, Тајсон Фјури (33-0-1) објави дека не е во преговори за обединувачка борба со носителот на појасите во тешка категорија на ВБА, ИБФ и ВБО, Александар Усик (20-0).
Веќе не се занимавам со бизнис бидејќи тоа ми прави голем стрес и сум вознемирен“, изјави Фјури за ТВ Фајт хаб и додаде: „Затоа претпочитам да не се занимавам со тоа. Еден ден сфатив дека битките не можат веднаш да се организираат како што сакам. Ако сумата ми одговара, тогаш се согласувам. Но, овие момци сакаат да ги одолговлекуваат работите со месеци, па дури и со години. Затоа не учествувам во оваа глупост. Плаќам милиони долари на моите адвокати и промотори. Нека го направат тоа“, додаде Фјури.
Борбата за обединување меѓу Усик и Фјури би можела да се одржи на 29 април. Усик последен пат го победи Ентони Џошуа (26-3) со поделена одлука (116:112, 115:113, 113:115). Борбата се одржа на 20 август 2022 година во Џеда, Саудиска Арабија.
Од друга страна, Фјури во 10. рунда со ТКО го совлада Дерек Чисора (33-13). Борбата се одржа на 3 декември 2022 година на стадионот Тотенхем Хотспар во Лондон.
