Претседателот на ММА сојузот на Русија Федор Емелијаненко не се согласува со Александар Карелин
Неодамна легендата на борењето изјави дека, според него, ММА воопшто не е спорт. Мешаните боречки вештини ги научија младите како да мешаат вотка со пиво. „Последниот император“ е едно од најголемите имиња во светот на ММА. Тој му возврати на Карелин велејќи дека ММА е официјално признат спорт во Русија и ширум светот.
„Не разбирам зошто луѓето од спортската заедница си дозволуваат да го дискредитираат ММА. Тоа е спорт официјално признат кај нас и во светот. Како да се спореди со алкохолот?
Сега повеќе од кога било важно е спортистите кои ја бранат честа на нашата земја да бидат едно, а не поделени на достојни или не, според некого.
Александар Карелин присуствуваше на нашиот настан, дури учествуваше и на отворањето на руското првенство во Омск. Тој самиот може да се увери дека во нашата земја нема борби меѓу боксер и неподготвен кревач на тегови или блогер“, изјави Емелијаненко за ТАСС.
Федор веќе има 46 години, но сепак продолжува да се бори. Емелијаненко има скор од 40-6-1 во ММА и е во победничка серија од 2 борби. Последен пат го нокаутира Тимоти Џонсон на крајот на 2021 година на гала вечерта Белатор во Москва.
