Светскиот шампион во тешка категорија Ентони Џошуа (21-0, 20 КО) е речиси сигурно дека до крајот на оваа година ќе има борба за обединување на појасите со шампионот на ВБЦ во тешка категорија, Дионтеј Вајлдер (40-0, 39 КО) за обединување на титулите.
Пред неколку недели Вајлдер објави видео во кое му нуди на својот противник гарантиран приход од 50 милиони долари за да се соочи со него, но промоторот на Џошуа, Еди Херн, ја утврди понудата како ништо повеќе од „маркетиншки трик“, иако тој го прифатил предлогот сериозно.
Зборувајќи по победата на неговиот пријател Тони Белју против Дејвид Хеј, Џошуа изјави дека се чувствува многу убеден дека во даден момент годинава, ќе има дуел со Вајлдер.
„Битка со Вајлдер ќе има 95 отсто оваа година. Силно сум заинтересиран за таква средба. Веќе не можеме да зборуваме за финансискиот дел, бидејќи сум сигурен дека ќе има профит од оваа борба. Постојано работиме за да се одржи борбата“, изјави Џошуа, кој е шампион на ИБФ, ИБО, ВБА и ВБО верзиите.
Ако сепак до договор не дојде, тогаш британскиот боксер веројатно ќе мора да направи задолжителна одбрана против освојувачот на златниот олимписки медал и поранешен светски шампион во тешка категорија – Александер Поветкин.
