Американско-мексиканскиот боксер Енди Руиз Јуниор е подготвен за долгоочекуваното враќање во рингот, тој ќе се бори со Џарел Милер во сабота на настан во Лос Анџелес.
Но, поранешниот светски шампион неодамна јасно ги кажа своите планови, па го повика поранешниот ривал на голем реванш.
Руиз во текот на кариерата победи 35 пати, а има два порази од Ентони Џошуа и Џозеф Паркер.
И со право, Новозеландецот, поранешен светски шампион во ВБО, се најде на листата на желби на Енди.
Паркер е во одлична форма во моментов, а тоа го докажа со победите над Дионтеј Вајлдер и Жилеј Жанг.
Со победата против кинескиот боксер стана сопственик на привремениот шампионски појас на ВБО во тешка категорија.
Руиз се надева на победа против Милер, а потоа сака реванш против Паркер.
„Ако го победам Џарел Милер, се надевам дека следен противник би можел да ми биде Џозеф Паркер. Би сакал да го добијам тој реванш. Но, прво треба да го победам Милер, бидејќи секој противник во рингот е опасен. Не можете никого да потцените“, изјави Енди Руиз, за кого ова е прва борба од септември 2022 година и додаде:
„Најважно е да се победи, да се вратам во акција и да се подготвам за борба со овие големи момчиња. Би сакал да имам две борби против борци во Топ 15. Но, не е важно кој е мојот следен противник. Сакам само да се борам со врвните момци. Џозеф Паркер прави неверојатни работи во моментов. Ги победи Вајлдер и Жанг. И јас би сакал да се борам со него“.
Настанот во сабота е предводен од борбата меѓу Израел Мадримов и Теренс Крафорд, во која Узбекистанецот ја брани титулата во супер велтер категорија на ВБА.
