Емил Павлов го освои бронзениот медал на Европското првенство во карате за сениори во Гладалахара – Шпанија, откако во борбата за третото место го совлада Романецот Флорин Гоголоси.
Да потсетиме дека најдобриот спортист на Македонија за 2018 година два пати беше европски шампион, во 2014 година во Тампере – Финска и минатата година во Нови Сад, Србија, а во 2016 година во Монпелје-Франција, освои бронзен медал, ова му е четврти медал од Европските првенства. Со вкупно четири медали – 2 златни и 2 бронзени Павлов е најуспешниот македонски каратист.
Од друга страна, во полуфиналето нашиот ас беше оштетен од судиите во мечот со Русинот Евгени Плахутин. Според снимакта што ја пуштија од нашиот табор, се гледаше дека Павлов во последните моменти понетира со преден маваши гери во главта, тоа значеше чист ипон, односно три поени и победа од 3-2. Тренерот на репрезнетацијата и другите од нашиот тим се фаќаа за глава откако судиите не го досудија овој поен во средбата со Русинот Евгени Плахутин.
Резултати
-60 кг
Емил Павлов – Рене Адлер (Словачка) 0-1
Емил Павлов – Марко Антиќ (Србија) 1-0
Емил Павлов – Ненад Дуловиќ (Црна Гора) 4-2
Емил Павлов – Евгени Плахутин (Русија) 0-2
За бронза
Емил Павлов – Флорин Гоголоси (Романија) 3-2
Ipon.mk
