Само две недели откако му се реваншираше на Рој Нелсон, Мирко Филиповиќ ги шокираше јавноста и навивачите кога откри дека имал мозочен удар минатиот понеделник. Вчера Кро Кап излезе од болница, а среќа во несреќа што последиците од ударот не се толку сериозни како што честопати знаат да бидат во такви случаи.
Овој пат Мирко повеќе нема да ризикува и донесе одлука за пензионирање бидејќи, како што вели самиот, „кога мозокот е во прашање, тоа не е шега“.
Филиповиќ веќе нема да влегува во ринг, бидејќи секој удар во главата би можел да биде кобен. Легендарниот борец се уште има намера да тренира, но без контакт, а по наредба на лекарите и следните три месеца ќе зема лекови.
Бројни светски медиуми се распишуваа за заминувањето на Кро Кап, а му пристигнаа пораки од поедини борци. Многумина во прв план истакнуваат дека 44-годишната икона заминува со рекордна низа од 10 победи, а уште неколку интересни статистички податоци изнесе екипата од познатиот портал за боречки вештини MMAJunkie.
Преглед на ММА кариерата на Кро Кап:
10 последователни победи пред пензионирање.
21 победа со прекин кога би се гледале УФЦ, Прајд, ВЕЦ и Страјкфорс борбите, што е многу повеќе од којбило друг борец.
18 нокаути кога би се гледале УФЦ, Прајд, ВЕЦ и Страјкфорс борбите (втор на сите времиња)
8 нокаути со удари со нога кога би се гледале УФЦ, Прајд, ВЕЦ и Страјкфорс борбите (најмногу на сите времиња)
и за крај:
Mirko Cro Cop walks away with a special resume. 🇭🇷 #Legend https://t.co/UAXjqx92XH pic.twitter.com/qWmNT1u4Zc
— Mike Bohn (@MikeBohn) March 1, 2019
.
